Кој ја злоупотреби полицијата за да изврши упад во најгледаната телевизија?

11/26/2010

Вечерва бев во ГЕМ, имавме дебата со Фуере.

Таму дознав дека има полициска опсада на А1.
После дебатата, заедно со неколку познати отидовме да видиме што навистина се случува.
На свои очи најубаво верувам.
Еве што видов.
- Десетици полициски возила околу А1
- Кордон од полицајци на влезот
- Десетици новинари на А1 пред влезот кои бараат да влезат покажувајќи легитимации
- Полицајците не им дозволуваат да влезат
- Еден од новинарите ме препознава и ме кани да бидам гостин на отворената програма
- Прифаќам, и заедно со него се обидуваме да влеземе
- Им соопштувам на полицајците дека сум поканет како гостин и сакам да влезам во телевизијата
- Полицајците ме спречуваат
- Во моментот кога полицајците се вмешуваат во моето право да гостувам на ТВ, барам од нив да ми образложат зошто не ме пуштаат
- Никој ништо не кажува
- Тогаш се повикувам на етичкиот кодекс на полицијата и барам да ми кажат која е основата на нивната полициска интервенција, зошто ме спречуваат да гостувам на А1
- Никој ништо не одговара
- Барам од полицајците да кажат дали имаат сомнение дека е ивршено некакво кривично дело (никој ништо не кажува)
- Барам да кажат дали имаат судска наредба за блокадата на А1 и да покажат судската наредба, но никој од нив ништо не кажува
- Барам од полицајците да се легитимираат (имам законско право да побарам такви нешто, кога полицајците вршат полициска интервенција во која сум засегнат)
- Полицајците не се легитимираат
- Залудни се сите повикувања на уставот, законите и човековите права
- Го препознавам покрај мене Коле Чашуле, главниот уредник на „Време“, кој е исто така спречен да влезе во својата редакција, како и неколку други новинари
- По 10-15 минути убедување и натегање една новинарка со микрофон и камера доаѓа од внатрешноста на телевизијата и почнува да ме влече за рака, викајќи дека сум поканет како гостин во отворената емисија
- Дури тогаш ме пропуштаат, откако некој издаде наредба да ме пропуштат

Ете така влегов. Во телевизијата имаше политичари од речиси сите опозициони партии, новинари од разни редакции, пратеници, активисти од повеќе здруженија. Сите беа дојдени да изразат солидарност затоа што беа загрозени основните човекови права.
Сите прво ги малтретираа на влезот, а дури после многу натегања само некои ги пропуштаа.

Кој го направи „театарот“? Тој што издал наредба со полициски кордон да се блокираат новинарите и нивните гости.
Тој што издал наредба специјални полициски сили да постават блокада кај железничкиот премин во Маџари.

Вакви прекршувања на човекови права се карактеристични за диктаторски режими.

4 коментари:

Анонимен рече...

nivniot poriv za nasilie e neverojaten...tie tezneat za diktatura iako VMRO beshe najgolema zrtva od diktaturata na komunistite..sega tie go pravat istoto toa..toa e nevidena ironija...

Анонимен рече...

Велија ве извозе како млади мајмуни, вас, опозицијата. Грешат оние кога велат дека опозицијата го искористила медиумот да си направи парада. Велија вас ве искористи да не се видат дрвјата од шумата. 7 000 000 евра. И вие застанавте повторно позади криминалецот. Ем митинг си направивте. Блокада на медиум а внатре се плука владата од 50тина опозиционери...види богати...Колку тоа тешко влеговте? Само лоша услуга и направивте на Македонија, надвор во светот. А народот не ги гледа така црно-бело работите

Ѓјуровски рече...

хе, хе, хе...
http://novek.blog.mk/2010/11/26/redenka-vo-a1/

Анонимен рече...

Идентичен почеток на текстот со оној на Најчевска. Помислив дека сте постирале идентичен текст....па видов дека иако структурата иста(почеток со реторичко прашање , па одговори) сепак сте се потрудиле да не сте идентични. Сепак Најчевска имала нешто повеќе талент. Соодветно и на текстот ќе те почестам со сличен коментар како што дадов и на постот на Најчевска: ЖАРКО!!! СОЛИДНО МАНИПУЛИРАШ!! Уште да не се емитуваше сигналот на А1 во времето на „блокадата„ можеби и ќе падневме.....и сите што ги познаваме да беа јас тате и бате!! Поздрави го Бозо следниот пат кога ќе те „дебатира„, а во меѓувреме пробај да изградиш сопствена професионална кариера!!! Ова нема да го објавиш, но ќе го прочиташ!!!

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Loading...

Footer Widget 2

Популарни објави

Популарни објави

Popular Posts this month

Popular Posts this week