14:56

(3) Comments

ГЕМ повторно во акција!

Жарко Трајаноски

Движењето „Граѓани за Европска Македонија“, по успешната реализација на „февруарскиот поход“, повторно е во АКЦИЈА.


Доколку сте загрижени за иднината на нашата татковина и доколку сакате да дискутирате за актуелните состојби и перспективи на Република Македонија на патот кон Европа, ве покануваме да присуствувате и активно да учествувате на серијата мајски трибини низ целата држава:

- 8 мај (петок), ОХРИД, сала на општина Охрид, 18.30 часот
- 13 мај (среда), ГОСТИВАР, Центар за култура, 18.30 часот
- 15 мај (петок), РЕСЕН, сала на Општина Ресен, 18.30 часот
- 20 мај (среда), ГЕВГЕЛИЈА, Пионерски дом, 18.30 часот
- 22 мај (петок), БЕРОВО, сала на Општина Берово, 18.30 часот
- 27 мај (среда), КАВАДАРЦИ, сала на Општина Кавадарци, 18.30 часот
- 29 мај (петок), ВЕВЧАНИ, сала на Општина Вевчани, 18.30 часот

Трибините ги организира граѓанската иницијатива „Граѓани за Европска Македонија”, започната од страна на шестмина интелектуалци (Мерсељ Биљали, Никола Гелевски, Бранко Героски, Владимир Милчин, Жарко Трајаноски и Роберто Беличанец), кои го објавија „Манифестот за Европска Македонија”. Манифестот досега го поддржаа над 2000 граѓани кои сакаат Македонија што е можно побрзо да стане членка на Европската унија.
Доколку сакате подетално да се информирате за иницијативата, да му се приклучите на Движењето или да ја добиете публикацијата на карикатури „ПЕЦКО“ од Дарко Марковиќ, посетете ја интернет страната: www.gem.org.mk.

3 Responses to "ГЕМ повторно во акција!"
Новица said :
3:08 PM
има некаде инфо како се финансира движењето?
Жарко Трајаноски said :
4:22 PM
Логистичка поддршка на движењето дава ФОСИМ кој е и издавач на публикацијата „Пецко - (У)кажувања“.
Новица said :
11:17 AM
Жарко, извини, уште едно прашање... дека на сајтот нема ништо инфо: се собравте па ФОСИМ даде логистичка поддршка или обратно?

Мислам дека би било фино сите вакви работи да се напишат во една „За нас“ страница.

Post a Comment