Се што ќе кажеш може да употребено против тебе. Затоа секој има право да се брани со молчење. МВР не се бранеше со молчење во случајот „Хабло“. Но, секој ден полициската приказна станува се понеуверлива. Еве ја последната епизода од сапунската серија „Недопирливи“ со нашиот Eliot Mess.
Во интервјуто „Полицијата и доушниците во борбата со нарко мафијата“, свесно или не, новинарката на А1 нуди тазе материјал од кој се навестува разрешување на мистеријата со часовникот на директорот на бирото за јавна безбедност (видео, 4.44).
„Катерина Гетева:
- Кога го тестиравте хероинот од акцијата „Пирин“ носевте швајцарски „Хабло“. Каков часовник носите сега на раката?
Љупчо Тодоровски:
- Сега повторно носам швајцарски часовник. Тоа е полициски часовник којшто може да го купите од француската полиција. Тоа го сторив кога бев пред две-три години таму.
Катерина Гетева:
- Ќе ни ја откриете цената?
Љупчо Тодоровски:
Околу 120 евра. Одличен часовник.“
Како прво, Тодоровски не негираше дека носел швајцарски „Хабло“. Напротив, тој потврди дека носел швајцарски часовник. Изјавата „Сега повторно носам швајцарски часовник“ има смисла само доколку и претходно, при тестирањето на хероинот, Тодоровски носел швајцарски часовник.
Со други зборови, изјавата на Тодоровски не се совпаѓа со приказната на МВР дека „часовникот на Тодоровски не е швајцарски „хабло биг бенг“ од дваесетина илјади долари, туку кинеска реплика од педесетина долари“ (Расте цената на часовникот на Љупчо Тодоровски).
Дали директорот за јавна безбедност се „себеинкриминираше“, „лизгајќи“ се на евтина новинарска, да не речам полициска финта?
1 коментари:
Се дури ми ги цензурираат коментарите на твоите колумни во "Дневник", не ти пишувам коментари. Веројатно ова ти одговара, пошто нели - демократски...нема потреба да се спротивстави некое минорно мислење на обичен граѓанин. Демагогија, друже, демагогија
Објави коментар