Иако го фатив само крајот од експозето на мандатарот, не можам да се воздржам а да не искоментирам за два момента:
1. Убаво беше да се чуе дека со „макотрпна работа и чесен однос кон работата“, со борбата против сиромаштијата, криминалот и корупцијата“, новата влада ќе направи „развоен циклус и исчекор“ со што ќе го подобри животниот стандард и квалитетот на живеење. Да сме живи и здрави, па да дочекаме.
Ама, што му требаше на мандаторот она „со божја помош“? Најблаго речено, изразот е политички непопуларен - да не заборавиме, „со божја помош“ се извршија многу злодела на Балканот; многу луѓе ги загубија животите од оние кои прскани со „света водичка“ и „со божји благослов“ беа испраќани да ја спроведуваат политиката на етничко чистење во неколкуте крвави балкански војни.
Дали е ова симптом дека владината политика ќе биде се помалку секуларна?
Дали таквиот потег е чекор напред, или два чекора назад?
2. Голем политички гаф беше спомнувањето на „притворените во Хаг“ заедно со другите лица на кои итно треба да им се помогне - лицата со посебни потреби и другите социјално ранливи категории, земјоделците, децата на бранителите...
Што треба да поверуваме - дека обвинетиот Љубе Бошковски е толку „социјално загрозено лице“ што заслужува експлицитно споменување во делот за социјалната политика на идната влада?
Наместо вакви сомнителни и двосмислени сигнали, мандаторот на новата влада требаше да испрати сигнал дека Македонија ќе продолжи да соработува со Хашкиот трибунал, и покрај сите дебати и критики за работата и функцијата на трибуналот.
Зарем новата влада не планира да работи на меѓународниот имиџ на Република Македонија, како еден од приоритетите во активностите за интеграција во ЕУ?
Или веќе не чекориме натаму?
НЕЗНАЕЊЕ СПАКУВАНО ВО НАУЧНА ОБЛАНДА
-
Деновиве прочитав неколку студии од млади истражувачи, аналитичари,
експерти, или како и да се нарекуваат, во кои, меѓу другото, се спомнуваат
и односите в...
Пред 3 дена
2 коментари:
Gleam parlament, i ne mi se veruva.
Postojano zvoni nekoj telefon do pretsedatelot, i im smeta na govornicite.
Ne znam sto e fintata: site mobilni telefoni treba da bidat iskluceni, osven telefonot na pretsedatelot?
Cisto, okolu imidzot na parlamentot.
Гледав и јас пар саати и не можам веќе да издржам.
Многу лоша претстава, а и „режисерот“ слабо се снаоѓа - „извини, извини“ на секој втор чекор.
Не знам што да кажам - сите комплетно да ми се извинат што ми потрошија неколку саати од животот, и што ми индуцираа толку негативна енергија, пак нема да ги гледам повторно.
Одамна не сум размислувал на тема „што подалеку од Македонија“, ама ете такви мисли ми навираат откако ги видов „новите“ ни избраници.
Одам малку да се возам со точак, да пролуфтирам глава, оти ми чади од нервоза.
Објави коментар