Само што гледав драматизирана емисија на Discovery Channel (на кабелска, пред 23 часот) за фаќањето на Садам Хусеин, со изјави на очевидци и актери вклучени во операцијата.
Она што ме запрепасти е експлицитното прикажување на елементи на тортура врз еден од приврзаниците на Садам, фатен непосредно пред неговото „откривање“.
Си ги триев очите оти не ми се веруваше - беа прикажани неколку неуспешни обиди за изнудување на признание од фатениот: тој не само што беше удиран со тупаници и делови од пушка, туку му беше пуштен и волчјак кој му ги зари забите во нозете. И покрај се, мачениот не призна ништо, туку се обиде да ги оддалечи од бункерот по кој газеа.
Како „десерт“ во емисијата, еден од војниците кој учествувал во фаќањето на Садам Хусеин најискрено си се пофали дека од ќеф неколку пати со боксови го удрил заробениот Садам по лицето, додека овој лежел на земја со рацете врзани зад грб со „лисици“.
Љубезно ги молам коментаторите кои сеуште сметаат дека САД се „најдемократската“ земја во светот, да ми објаснат дали и како е можна „демократија“ при манифестно рекламирање на методите на тортура. Дали демократијата може да оди заедно со флагрантното непочитување на забраната за тортура, свиреп и нечовечки третман - како елементарно човеково право?
Да потсетиме и на нашите постоечки закони: „Со парична казна од 200.000 до 300.000 денари ќе се казни за прекршок радиодифузер или друго правно лице, ако емитува програми што содржат прекумерно насилство или други програми кои можат сериозно да го загрозат физичкиот, психичкиот и моралниот развој на децата и младите“ (серијалот беше прикажан пред 23 часот).
Поради флагрантното кршење на програмските стандарди од страна на кабелскиот оператор, упатувам апел до Советот за радиодифузија да ги преземе законските мерки кои му стојат на располагање, имајќи предвид дека прикажаната серија нема ништо заедничко со принципите за чие почитување се грижи Советот:
„- негување и развој на хуманите и морални вредности на човекот и заштита на приватноста и достоинството на личноста;
- еднаквост на слободите и правата независно од полот, расата, националното, етничкото и социјалното потекло, политичкото и верското убедување, имотната и општествената положба на човекот и граѓанинот;
- поттикнување на духот на толеранцијата, заемното почитување и разбирање меѓу индивидуите од различно етничко и културно потекло;“ (чл. 68).
Ако кабелските оператори можат да бидат казнувани заради емитување на порнографски канали (XXL), тогаш зошто да не бидат казнувани и заради пропагандно емитување на методи на тортура?
Зврлевски и ВМРО-ДПМНЕ
-
Паѓањето на режимот кој управуваше со нашите животи повеќе од десет години
не оди лесно. Режимот навлегол длабоко во нашиот политички и економки
систем. ВМ...
Пред 22 часа
4 коментари:
Маѓичниот триаголник на САД:
Демократијата гарантира човекови права , човековите права се кршат за да се заштити демократијата.
Нешто слично на маѓичниот квадрат на ДУИ: Власта се добива на демократски избори, демократијата гарантира право на протест, со протести се влегува во власта.
А што се однесува до кабелските оператори, тие често емитуваат програми кои не се наменети за нашата временска зона (со +2 часа по Гринич). Овие програми се најчесто „крадени“, односно без платена лиценца. Порано често се случуваше да „фатам“ порнич по руско време во 10 навечер. Хаос.
Кај мене локалниот кабелски оператор на големо емитува порно филмови и никогаш не бил казнет. Да беше само нашиот. За да е апсурдот поголем на неговиот сервисен канал во исто време со порното врти скенирано соопштението на Советот дека таквите содржини се забранети.
Discovery емитува она што смета дека ќе му донесе гледаност.
Тортурата на најдемократската земја во светов е нормална појава. И тие се сепак само луѓе. Освен тоа кој колку сака нека мисли дека световидот кај луѓето со тек на време се менува, ама онаа библиската “Око за око заб за заб“ е во генот на луѓето.
Тие луѓе од тој документарец својата “цврстина на карактерот“ за мачење верувам дека ја хранат гледајќи снимки на маскирани шиити како колат цивили-волонтери на Црвениот Крст во Ирак или Чеченија.
Тоа е тоа, нема бегање од таквите работи.
„Тортурата на најдемократската земја во светов е нормална појава. И тие се сепак само луѓе.“
Ништо човечко не ми е туѓо?
Тешко ми е да ја прифатам таа хипокризија: да цензурираш порнографија, а да уживаш во мачење „исламисти“; да ги прикажуваш жртвите на непријателот (на пр., браќата на Садам), а да го цензурираш прикажувањето на сопствените жртви (луѓето што скокаа од кулите близначки); да прикажуваш како камерата влегува во ноздрите и отворената уста на Садам (додека му вршат лекарски преглед), и да се залагаш за правото на приватност.
„Discovery емитува она што смета дека ќе му донесе гледаност.“ - не е баш така. И прикажувањето на жртвите на 11 септември ќе значеше повеќе гледаност, како и прикажувањето на убиените маринци во Ирак.
„Тортурата на најдемократската земја во светов е нормална појава. И тие се сепак само луѓе.“
Ништо човечко не ми е туѓо?
Тешко ми е да ја прифатам таа хипокризија: да цензурираш порнографија, а да уживаш во мачење „исламисти“; да ги прикажуваш жртвите на непријателот (на пр., браќата на Садам), а да го цензурираш прикажувањето на сопствените жртви (луѓето што скокаа од кулите близначки); да прикажуваш како камерата влегува во ноздрите и отворената уста на Садам (додека му вршат лекарски преглед), и да се залагаш за правото на приватност.
Кога мислев и тие се само луѓе кои својата нечовечност ја хранат од снимките на интернет мислев на мачителите како луѓе. А за хипокризијата на општеството(во овој случај американското) е веќе друга приказна.
Затоа и напишав дека без разлика на се “Око за око заб за заб“ сеуште е една од примарните во намлување на чоековата болка и загуба предизвикана од некој друг.
„Discovery емитува она што смета дека ќе му донесе гледаност.“ - не е баш така. И прикажувањето на жртвите на 11 септември ќе значеше повеќе гледаност, како и прикажувањето на убиените маринци во Ирак.
Неверувам дека 9/11 би им донел поголема гледаност особено во САД. Токму хипокризијата за која збориме е таа која влијае на гледаноста. Тешко дека американците би сакале да гледаат за своите загуби онака како што ги гледаат загубите на непријателот кои им ги нанесуваат тие, па макар тоа е нечовечки и со помош на кучиња и што се не друго.
Објави коментар