„Резил!“

8/24/2006

Никола Гелевски, во својата најнова колумна, не потсетува на еден неславен јубилеј:

„Следната година, на пример, ќе биде десетгодишнина на „славните шаторски" ученичко-студентски демонстрации од 1997 година. За некои славни, за некои срамни; за мене тоа беше една од најдолните точки на кои се спушти тогаш сосема безглавата македонска демократија за која одговорноста ја имаа пред се Бранко Црвенковски и тогашниот СДСМ. Тие идиотски антиалбански демонстрации пред девет години беа едно од најголемите помрачувања што му се случија на голем дел од македонскиот естаблишмент, пред се оној академскиот. Но, тие протести беа и еден од најгрдите примери како младоста може да се злоупотреби во монструозни цели. Се сеќавате: цели толпи деца и студенти, подбуцнати од своите професори и од најмрачните овдешни политички сплеткари, протестираа против воведувањето албански јазик на Педагошката академија! Денес тоа звучи неверојатно, но така беше: десетици и десетици видни луѓе тогаш не убедуваа дека албанскиот јазик само на една високошколска установа значи пропаст на државата! Предводници на тие срамни демонстрации, важно е да се напомне, беа денес најперспективните млади македонски политичари: Влатко Ѓорчев, Филип Петровски и Антонио Милошоски.“

Еве уште еден извадок од една постара негова
колумна на слична тема:

„Конкретно: универзитетот „Св. Кирил и Методиј” е една од најголемите пречки за побрз развој на земјата. Кој не го гледа тоа (а не гледам дека некој го гледа) едноставно нема перформанси за врвна политика. Ако Тони Блер ги доби изборите ветувајќи длабоки реформи во образованието во Британија (согледано како проблем за развојот на земјата, а инаку меѓу подобрите во светот), крајно време е некој да ги согледа и овдешните жаришта на стагнација и инерција. Посредно, меѓу другото, и од таму се генерира очајот на помладите генерации.“

Врската образование-развој е елементарна!
Останува да видиме како оние кои дојдоа на власт со негирање на правото на образование на мајчин јазик, што ги блокираше неопходните образовни реформи, ќе обезбедат развој (односно „преродба во 100 чекори“).
А кутриот наш универзитет „Киро&Мето“ (комуњарски бастион и етно-шовинистичко гнездо) испадна жилав диносаур - никако да се распадне, иако со години наназад базди на корупција, непотизам, игноранција.

5 коментари:

Анонимен рече...

дојде време коља пак да 'одработува' против вмровците? што не го олабават малку човекот?

Анонимен рече...

Не ми е сосем јасно која е точната поента на текстов.

Unknown рече...

"Не ми е сосем јасно која е точната поента на текстов."
Па, да речеме, едната поента е дека оние кои пред 9 години беа составен дел од клучните меѓуетнички проблеми и конфликти, добија сега доверба да ги решаваат проблемите и конфликтите.
Потоа, едно потсетување дека реалноста во високото образование (како конфликтна сфера) денес е сосема поинаква од целите на демонстрантите од 1997.
Главен „лузер“ во целата работа е Универзитетот Св. „Киро&Мето“, кој беше жигосан од странските донатори како генератор на меѓуетнички конфликти, како институција која не вреди да се реформира.
Тој државен Универзитет требаше да биде основа за развој, а стана основа за наше уназадување - со зборовите на нашиот мандатар - даде еден од клучните придонеси за „предолгото талкање во зоната на транзицијата“.
Позадоволен? :)

Анонимен рече...

Kolja: "Многу лесно е да се манипулираат луѓе без никакви подлабоки животни или професионални искуства! Битолските палежи пред пет години ја покажаа истата подложност на младоста за манипулации; за албанската злоупотреба дури и на деца во политички и економски цели подобро и да не зборуваме: застрашувачка е, како и да ја свртите. Затоа, благо се плашам за последиците од работата на новата влада."

E oti da ne zboruvame!?!? Ili toa ne e nasha rabota, kako shto e loshoto VMRO, novata vlada i sekogash krivite Makedonci?

Unknown рече...

Така де, нема амнестија за никого :)

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week