Кој е виновен што повторно нема критичка дебата на последниот ден од претседателската кампања на најгледаната македонска телевизија?
Да потсетам што изјавив за Радио Слободна Европа:
„Сметам дека е неопходно да се има форматирана телевизиска претседателска дебата, ако било кој избегне дебата тоа значи дека се избегнува политички дијалог, а тоа би значело удар врз нашата кревка демократија.“ (ТВ дуелот како политички проблем)
Во САД постои посебна Комисија за претседателски дебати (The Commission on Presidential Debates (CPD) која ги спонзорира и продуцира дебатите на претседателските и пот-претседателските кандидати на САД. Минатата година дебатите беа одржани на неколку универзитети, со однапред познати правила на игра прифатени од кандидатите. Прашањата за дебатата никој не ги знае однапред освен модераторот.
После карикатурата од „ТВ-дуели“ на овие избори, неопходно е да се пристапи кон идните претседателски дебати на многу посериозен начин. Неопходно е тие да бидат спонзорирани и продуцирани од некоја друга институција. Можеби не е лошо да се побара помош и од Комисијата за претседателски дебати која нуди техничка помош на новите демократии. Кога веќе самите не знаеме да си организираме пристојна дебата, поарно е да побараме помош од други.
Додека ова го пишувам, на МТВ се репризира минатонеделната претседателска „дебата“, во исто време додека на А1 се појавува само Фрчкоски на најавената претседателска дебата. Ако на овој упад му се придодаде „доцнењето“ на Иванов на А1 на соочувањето пред две седмици, се добива мошне лоша приказна за односот на владиниот кандидат кон медиумите кои се критички настроени кон властите.
Не може да се зборува за демократија без аргументирана критичка дебата, без елементарна политичка култура, без демократски дијалог помеѓу претендентите за власт. Уште еднаш се посрамотивме.
Пред 1 година
2 коментари:
Ѓоле не може да се појави на дуел, најверојатно оди кај студентите да ги замоли да гласаат за Фрчко!
Vo deneshno vreme duel, na kandidati za nekoja funkcija, e Alfa i Omega na politichkoto deluvanje. Bez tv ili radio dueli, shto podrazbira soochuvanje na argumenite pred glasachite,NE POSTOI sovremena politika. Denes,politicharite prosto gi prigrabija mediumite za svoi celi zatoa shto tie koristat za efikasno obrakjanje na golemi grupi gragjani odednash, bez shetanje po sela i gradovi i t.n. Pa, tie, prosto se trkaat da izlezat na shto poveke dueli i duri se zhalat deka ne gi vikaat dovolno (pr. Srbija, Hrvatska, Italija, Francija....za Grcija i da ne zboruvame!)Znachi, politicharite trchaat i molat da se pojavat na tv razgovori, a ne pak, da begaat, kako Ivanov i Gruevski (koj isto taka, NIKOGASH ne se pojavil na megdan)Znachi, kaj nas e se' naopaku od normalnite drzhavi i narodot pak glasa za niv, faktichki, na nevideno!
Објави коментар