Ивица Боцевски даде оставка како блогер и колумнист, прифаќајќи го назначувањето за портпарол на владата на Република Македонија. Притоа, им порача на своите поранешни колеги-блогери:
„За мене, како Портпарол на Владата, ќе биде од клучно значење да си останете исто толку остри, луцидни, директни, аналитични, прецизни и брзи во Вашата критики и сугестии до Владата, како и лично до мене.“ („The Skopje Times“ времено ја замрзнува својата работа)
Рибаро „најискрено“ го послуша и му покака - пардон, посака - успешна работа: „Сигурен сум дека ќе ја промовираш блогосферава како медиум низ тоа салонските „прчвари“, сигурен сум дека ќе те интересира кој тоа кака по блогови за надмениот портпарол и сигурен сум дека откако ќе ти заврши мандатот пак ќе ни се вратиш.“ (Ивица Боцевски).
Мора да му се признае на Рибаро - прилично луцидно, директно, аналитично, прецизно и брзо!
Шегата настрана, кога Боцевски веќе спомна „сугестии до Владата“ еве им:
Зошто секој/а министер/ка да не си отвори службен блог на кој ќе бидат објавувани информации за тековните активности на секое Министерство, и на кој граѓан(к)ите ќе можат да објавуваат свои коментари и сугестии?
Плус – еден службен блог на владата – каде што премиерот и портпаролот ќе имаат прилика - луцидно, директно, аналитично, прецизно и брзо – да го ослушнат пулсот на граѓаните и да одговорат на нивните барања за информации и на нивните сугестии за промени.
П.С. Ивица, зборот „Портпарол“ се пишува со мала буква.
Честитки и успех во работата.
Пред 3 години
4 коментари:
.. ех со мала буква. Кога за некого е тоа голема работа ќе ти прател граматика ;) Шала на страна, на Ивица навистина искрено му посакувам успешна работа
Де бе Рибаро, те сфативме дека си искрен, не мора по сто пати да повторуваш :)
Патем, ме изненади потегов на Ивица, пред сè затоа што тој досега како стручњак имал далеку подобри/повисоки функции во минатите влади и кабинети.
Ова некако ми изгледа со помала важност и недоволно за него. Можеби е само преодна фаза, сепак како и да е, му посакувам многу успех.
Од друга страна се радувам што конечно портпарол на влада не е новинар :)
зависи што подразбираш под „новинар“.
Во поширока смисла на зборот може да се каже дека беше и новинар-колумнист, новинар-блогер.
Демант од Владата:
„Во врска со изнесените шпекулации во одредени медиуми Владата на Република Македонија ја информира јавноста дека Ветон Ибрахими останува да ја извршува функцијата портпарол на Владата заедно со неговиот новоименуван колега Ивица Боцевски.
Воедно Владата ја информира јавноста дека премиерот Никола Груевски не размислува за реконструкција на неговиот кабинет, ниту пак за некаква рокада на министерските ресори меѓу коалиционите партнери. Напротив, Владата продолжува да биде концентрирана на извршување на веќе започнатите проекти согласно владината реформска програма.“
Се надевам дека нема да биде еден портпарол за македонски, а друг за албански медиуми.
Објави коментар