Откако почнавме самите да си се понижуваме (Сами си се „Фиром-изираме", Де-македонизација), малку време им требаше на нашите „пријатели" за да свртат сосема нов лист:
„...со прифаќањето на амандманот на сенаторот и еден од кандидатите за претседател меѓу демократите, Џозеф Бајден, Сенатот на земјата што го признава нашето уставно име, оцени дека е потребно дополнително појаснување кон името Македонија и секаде низ текстот ја додаде кратенката ПЈРМ во заграда. Иронично, амандманот е во директна спротивност не само со политиката и со одлуката на администрацијата на САД за името, туку и со идејата за „зацврстување на слободата", бидејќи ја негира буквално првата слобода на една демократска и пријателска нација." (...) „Сенатот оперира со кратенка на референцата - ПЈРМ - која официјално воопшто не се употребува во ниту еден меѓународен форум. Кратенката не појаснува ништо за идентитетот на земјата, но укажува на изворното потекло на амандманот." (Акт за консолидација на слободата 2007).
На 8 април ќе се навршат 14 години откако нашата држава беше примена во ОН, со следниов документ на Генералното собрание. Во документот се наведува дека за сите цели во ОН на нашата држава провизорно ќе се реферира како на "the former Yugoslav Republic of Macedonia" - „во очекување на решавање на разликата [спорот] што произлезе во однос на името на државата".
Работава е - „Дуго, те дуго очекујем..."
Пред 3 години
1 коментари:
Еве што вика Утрински за новиот закон во САД:
"Очекувањата се дека овој закон брзо ќе се најде во процедура и ќе добие епилог, така што во прашање се денови дали Македонија ќе успее да го спречи озаконувањето на референцата или таа ќе добие нова политичка тежина.
Симптоматично е тоа што оваа очекувана резолуција ја преспаа платените лобисти на Македонија во САД, а на спиење ја дочека и МНР, каде што се правдаат дека до вметнување на референцата во документот дошло во последен момент и немале време да интервенираат."
Објави коментар