Интересно е како ни се обраќаат највлијателните весници пред клучните ни избори. Financial Times го користат уставното име "Rupublic of Macedonia". International Herald Tribune известуваат од „Skopje, Macedonia“, но во текстот зборуваат за „амбициите на поранешната југословенска република да им се приклучи на Европската Унија и НАТО“.
Најинтересен е насловот - Macedonians to vote for president Sunday.
Од нивна перспектива гледано, сите што ќе гласаат во Македонија се Macedonians.
Од наша перспектива, само некои гласачи се „Macedonians“.
Пред 3 години
4 коментари:
Нивната е нормална, како и секогаш, ние доцниме во ловењето на правите перспективи.
Еве и други обиди за граѓанско „помакедончување“:
„Macedonians are voting in presidential and local polls seen as critical to the country's EU and Nato membership bids...“(BBC)
„Macedonians have begun voting in presidential and local elections seen as crucial for the country's bid for European Union membership.“ (Deutsche Welle)
Жарко не е тоа никаков обид за помакедончување, едноставно фразеологија која е потипична за западните земји. Никој не вели гласаа граѓаните на Америка, туку најчесто гласаа Американците, никој не вели гласаа граѓаните на Германија како кај нас, кај нив е својствено да се користи фразата за националност - припадност на нација, која е една и еднаква на не како што Мируше вика: пасошот, туку многу повеќе националната кауза, т.е. државјанството. Пола Амери немаат пасош - ал Американци се за овие потреби.
Да не бидам погрешно сфатен, фразата граѓанско „помакедончување“ иронично ја употребив.
Инаку, употребата на Macedonians (како граѓани на Македонија) од страна на светските известувачи би требало да не потсети дека имаме сериозен проблем со националниот идентитет, кој се интерпретира исклучиво во етничка смисла кај нас.
Објави коментар