Демонстранти vs. Крстоносци

3/29/2009

Правото на мирно собирање и правото на слобода на изразување се заштитени не само со Уставот, туку и со Европската конвенција за човекови права.
Контра-демонстрантите не смеат да го загрозуваат правото на мирно собрирање на демонстрантите.
Не е вистина дека „Со правовремената интервенција на полиција вчера беше спречен поголем инцидент“ (МВР), туку инцидентите се случија заради несоодветна интервенција на полицијата.
Слободата на мирно собирање не подразбира само негативни мерки (обврска на властите да не се вмешува, и да не го попречува собирот), туку и преземање на позитивни мерки од страна на властите, особено во случај кога контра-демонстрантите го загрозуваат правото на мирно собирање на демонстрантите:
„Во една демократија, правото на контра-демонстрирање не смее да се проширува во смисла на инхибирање на остварувањето на правото на демонстрирање.“ (Platform 'Ärzte für das Leben' v. Austria)
Колку и да се вознемирувачки демонстрациите, колку да им изгледаат навредливи на контра-демонстрантите, учесниците на демонстрациите мора да бидат во состојба да ги одржат демонстрациите без страв дека ќе бидат подложени на физичко насилство од нивните опоненти.
По правило, полицијата треба да е обучена за да го заштити човековото право на мирно собирање со преземање на конкретни мерки против оние што го загрозуваат тоа право.
Во случајов, не се работи за „нарушување на јавниот ред и мир“, како што тврди МВР, туку за елементи на неколку кривични дела:
1) Спречување или смеќавање јавен собир (Тој што со сила, сериозна закана, измама или на друг начин ќе спречи или ќе смеќава свикување или одржување мирен јавен собир, ќе се казни со парична казна или со затвор до една година.)
2) Предизвикување национална, расна и верска омраза, раздор и нетрпеливост (национална нетрпеливост – викање „Шиптари, Шиптари...“, како и верска нетрпеливост против „атеистите“, „некрстените“...)
3) Повреда на рамноправноста на граѓаните (Ограничување на човековите права на мирно собирање и слободата на изразување), затоа што демонстрантите беа жигосувани како „збирштина од геј и атеисти“, како „шиптари“, „курви“, „џанкери“, „предавници“, „некрстени“, итн.
Ако полицијата и овојпат не ги открие и уапси сторителите на кривичните дела, ќе даде сигнал дека го поддржува насилството и организираното прекршување на човековите права.
На ред е МВР кое треба да ги пронајде сторителите на кривични дела од ТВ-снимките. А1 веќе им помогнаа со тоа што ги заокружија силеџиите.

7 коментари:

shakespeare рече...

Срамота. Као наводно спонтано собирање на контра демонстранти. На времето ако се сеќаааш у Белград исто така “спонтано“ се собраа контра-демонстранти на геј парадата, па исто така тамошната полиција “Со правовремена интервенција спречи поголем инцидент“..... само кај нив немаше свештеници и црковни бајраци со крстови на сите страни. Тоа со иконите и знамињата ептен зачинуе атмосфера... Уште фалеше црковен хор да пее. Тоа у микс со ќутек, пцуење, врескање и камери... Абе психоделија. Веќа психоделија од настанов е само репортажата на Стител за истиот. Е, тоа е крај на програмата, не ми се веруеше. Балдската на стрината на професорот, била мажена со вториот брат на членот на одборот во тимот на Фрчко.... Како проаѓа тоа кај народов уште неможам да разберам....

Анонимен рече...

Немој така, беше спонтано - ко абортус :)

Unknown рече...

Шекспир, од извори блиски на „Сител“ дознав дека генетски ќе бидат испитувани сите учесници на протестот, и тоа последните седум колена. :)
После тоа нивниот п. кандидат со клетви ќе ги чисти злите духови вгнездени во „комуњарските“ гени, виновни за сите несреќи на нашата мачна Македонија.

Tome рече...

Време е и да се заокружат ТВ-силеџиите, Жарко. Кој веќе еднаш ќе го посочи Јанко како директно одговорен за разгорување на атмосферата ден пред настанот? Башка, ене доказ кај него на блог.

Unknown рече...

Веќе е посочен и ставен во рамка во „Шпиц“, и во „Дневник“ на насловна. Најсимптоматична е реакцијата на МВР, објавена во „Дневник“:
„Пријавен е само еден протест. Јанко може што сака да кажува на телевизија или да пишува на блог.“

mearl рече...

незнам дали ја доби последната порака...ти кажував фала, дека во моментот кога се прашував дали јас сум луда што се грижам дека никој не излегува да ги покрене човечките права и слободи, конечно се појави ти на тв....

Анонимен рече...

prezimeto "popraveno".Pozdrav ALSAT-M

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week