Наградно прашање

7/12/2006

Што е поголема срамота за „хуманата“ Европа?
1)
Масакрот врз 8.000 беспомошни мажи и момчиња во Сребреница пред 11 години?
2) „Воајерството“ на трупите на ОН („толерантните“ Холанѓани)?
3) Фактот дека и после 11 години „меѓународната заедница“ не може да ги пронајде осомничените „српски херои“ Младиќ и Караџиќ?

10 коментари:

Анонимен рече...

Прашање од 5 милиони долари.
Толку кошта(ше) главата на Младиќ едно време.

Unknown рече...

Не би ме зачудило и Осама Бин Ладен да се скрие некаде на „Западен Балкан“, следејќи го успешниот пример на Караџиќ и Младиќ. :)

Анонимен рече...

зошто сиве овие срамоти ги врзуваш ексклузивно за Европа?

Unknown рече...

Заради „евроцентризмот“ кој се себепромовира како „хуманизам“ ширум светот.
Затоа што Европа, преку Советот на Европа и Европската Конвенција за човекови права, настојува да им даде пример на останатите континенти како ефикасно треба да се заштитуваат човековите права, а потфрли „во својот двор“.
Секако, срамот е и светски, но пред се Европски.
Кога „Европа“ ќе го прифати тој срам како свој, тогаш и „Западниот Балкан“ ќе биде перципиран како дел од „Европа“.

Tome рече...

Значи ние, западнобалканците, сме цвеќенца (освен што понекогаш ни доаѓа да се колеме), а европјаните, како не им е срам, потфрлиле во промовирањето на хуманизмот и затоа се криви и затоа треба да им е срам??

Нешто недостасува, во анализава...

Анонимен рече...

не да недостасува ама ептен...

мада знае Жарко што е Европа, што Европска Унија, што Совет на Европа, а што Европска конвенција за човекови права, не мора ја да му објаснувам.

Unknown рече...

„Значи ние, западнобалканците, сме цвеќенца...“
Далеку сме од цвеќенца и ние, ама далеку е и т.н. „Европа“ која сеуште не перцепира како да сме дел од „крвавиот“ Ориент, а тие божем се холандски лалиња, синоним за мир и толеранција. (Да не заборавиме, пред 6 децении во срцето на „Европа“ беа етнички исчистени неколку милиони Евреи).
Холанѓаните беа соучесници во злосторствата против човештвото во Сребреница, како и остатокот од „Европа“ која учествуваше во „менаџирањето“ на неколкугодишната опсада врз Сараево.
А за нашата улога како помагач, ќе говориме во некоја друга прилика...

Анонимен рече...

Срамот пред се е европски затоа што нашите цвеќенца се навадени и сеуште се полеваат со светата водичка на Европа.

Денешните перипетии во голем дел се последица од вековно мешање прсти на светските сили на ова поднебје. Ширење интереси, религии, кроење гранци, подгревање војни конфликти и сл.
Речиси секоја поважна промена на балканот е решена на некаква конференција во Париз, Женева, Берлин, Сан Стефано, Дејтон...

Срамот на Европа е што нема образ да признае дека е директно одговорна за денешната ситуација поради нејзините суетни грешки/интереси од минатото.

За жал „Европа“ сеуште се држи до „традицијата“ која секојдневно ја гледаме он нивните комесари, амбасадори...

Unknown рече...

„Срамот на Европа е што нема образ да признае дека е директно одговорна за денешната ситуација поради нејзините суетни грешки/интереси од минатото."
Да, сите балкански кризи беа прогласувани исклучиво за „внатрешни“, иако еден од агентите во секоја криза беше и ЕУ. Е, сега, мене ми пречат и мегаломанските настојувања на ЕУ да и се натоварат сите срања што се случуваа на Балканот.
Да не претеруваме, вината е сепак индивидуална.

Анонимен рече...

Како бе, Боцевски, холандските миротворци во Сребреница не може да ги осудиш? Примале огромни плати, зад себе имале сериозна инфраструктура, опрема и телекомуникации и само еден повик можеле да повикаат на заштита од маскарот што практично не само што се случи пред нивни очи, туку, според новите сознанија, помалку или повеќе, и со нивно директно знаење.

Абе на Латиница на ХТВ дадоа дента интервју со личниот преведувач на шефот на Холандскиот мировен корпус. Овој раскажуваче дека го молел својот шеф да ги симнат брат му и татко му од листата на Младиќ, онаа на која Младиќ селектирал кој оди во гробница, а кој километри подалеку од Сребреница. Шефот му рекол, може само татко ти да остане, брат ти не. Татко му се вратил во ист ред со брат му. До денес не се најдени.

Ко најстрашните нацистички приказни, јебига. Кое од двете деца, мадам, решивте да го стреламе??

Ај да не си продаваме приказни. Шефот на холандскиот мировен корпус, кога веќе видел каква баханалија се спрема, можел да се извини во еден критичен момент, дур Младиќ ждригал после јадење, да му рече, морам да идам да мочам, да се јави на мобилен и да каже, ало Амстердам, мислам дека психопатот спрема утре сабајле покољ на цело село. Толку требало. Не овој тоа не го направил. Зашто не го направил? Се избезумил? Па кој курац иначе седел на мировна мисија? Зашто ги плаќаат толку добро? За да си ги клатат?

Ден после маскарот, ги има холандските војници на ВХЦ снимки како мртви пијани со четата на Младиќ, вртат коло. Има снимки и од последните преговори на шефот на холандската мировна мисија и Младиќ. Првиот буквално неконтролирано се тресе и не може во очи да го гледа Младиќ дур овој му објаснува која е српската кауза, а тоа се се снима на камера. Скандал од невидени размери. Тажно. Болно. Стварно не можев да го гледам.

Момчињата што ги викаш, не биле испратени на екскурзија низ Југославија, на дебел кеш ги пратиле после милион здравствени контроли и психолошки тестови, да одржуваат горе долу контролибилна ситуација во една неконтролирана баханалија, биле на платен список на конкретна МИРОВНА мисија, тоа подразбира доста гадни маневри. Нема перење за тоа и точка.

Ако шефот на холандската мировна мисија не можел сам, со своите војници, со својата опрема, директно да интервенира, имал доста денови да знае што се подготвува и со најсовремена техника одма да ги алармира своите претпоставени. Да пратат бекап. Да направат медиумски циркус. Да прогласат појава на НЛО во Сребреница. Нешто. Што било. Ништо! Он му се смешка психопатски на Младиќ пред камера и ден после масакрот, со него пие. Абе несериозно до нај, најјезиви размери.

И во такви ситуации,да, одговорни се и највисоките врвови од Њујорк и Вашингтон, ама кој е овој тотално утнат македонски резон дека од долнава бирократија никој за ништо не е крив, ал само шефот (по можност на државата) одговара за се???

Еве јас за момент ќе се замислам на шефовско место во Вашингтон. Бирам луѓе на конкурс, правам шест интервјуа, им давам плата и точен опис на работното место. И очекувам да го сработат. Не! Во оваа ситуација, Холандија се однесе како ебените Балканци! Шефот на таа мировна мисија како Хари Костов кога вика не знам ја ништо, Бранко е државникот, заменикот на Хари вика не знам ја ништо Хари е шефот итд, до последната баба на шалтер, која вика дери се ти, ја имам непробојно стакло, а и шефот е одговорен за се.

Идеална демократија - што е тоа? Се мачка на леб? Не де, него секој еден до послената шуша да си ја ВРШИ својата проклета задача!!! Тоа. Затоа го мењам исказот, криви се Ратко Младиќ и компанија - убиство од прв степен, шефот на холандската мисија и компанија - убиство од втор степен, шефовите од повисоките слоеви - убиство од трет степен. Ама по тој ред. Не да скокаш инстанци!

Само, џабе ваква реконструкција, после свадба тапани. Само од памет ме вадат овие лесни шлакања одговорност ТАМУ негде горе. :(

Од памет!

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week