Чекајќи го обвинителството

7/04/2006

Семејството Беќирови конечно го доби обдукцискиот извештај во кој се тврди дека смртта на Трајан Беќиров настапила како резултат на „удавување“.
Во постот
Одбрана со молчење? напишав: „Со нетрпение ги чекаме официјалните резултати од двете обдукции, и со уште поголемо нетрпение ги чекаме идните потези на МВР и обвинителството.“
Во меѓувреме, и народниот правобранител
Мемети бара кривична пријава за „Алфите“ поради Беќиров, откако го добил извештајот од бугарскиот форензичар. Сепак, кривичната пријава (против непознати сторители - ?) што ја побара народниот правобранител не е поради индиции за тортура, туку поради тоа што „Алфите“ со нивните дејствија го довеле во опасност животот на момчето.
Потезите на МВР беа неусогласени. Најнапред, портпаролот на МВР во врска со случајот изјави дека „МВР презема мерки против сторители на кривични дела“ (види
МВР те тужи, МВР те суди?), а подоцна министерот за внатрешни работи изјави дека „Припадниците на МВР немале контакт со починатото лице“ (А1).
Ако МВР презело мерки против Трајан Беќиров, и ако притоа имало употреба на огнено оружје, тогаш изјавата на министерот, најблаго речено, е комична. Таквата изјава е смешна дури и да е вистина дека „Алфите“ бркајќи ги „сторителите на кривични дела“ „во темницата ги изгубиле од вид“ - како што пренесува
Дневник, според извештајот од истрагата на Секторот за внатрешна контрола и професионални стандарди на МВР.
Сега на ред е обвинителството кое „се' уште чека одредени известувања за да може да го комплетира досието за „случајот Беќиров“ (
Дневник). Или можеби чекаат да завршат изборите, за да не биде експлоатиран случајот во предизборната кампања? Или пак ќе чекаат да им заврши мандатот.

1 коментари:

Unknown рече...

"Јавното обвинителство уште е без кривична пријава или конечна одлука дали ќе ја покрене против полицајците кои бркајќи го го натераа Трајан Беќиров да скокне во Вардар. Се уште го истражувале случајот." (Беќиров не верува во обдукцискиот извештај - A1)

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week