Крајно време е да се воведе нешто како „Златна малина“ во македонското новинарство. Знам, жестока ќе биде конкуренцијата. Токму затоа, еве на време да си го номинирам својот кандидат за категоријата „најдебилно новинарско аргументирање“:
Владимир Петрески: „Од каде доаѓа македонскиот антиамериканизам?“ (Шпиц):
„Барем младите луѓе, кои растат со западната култура преку филмовите, музиката, медиумите, Интернетот, литературата и слично, би требало да бидат толерантни кон земјите од каде што доаѓаат забавата и уметноста кои тие ги сакаат и консумираат.“
Дали тоа значи дека ако јавно ги бранам идеите од американскиот филм „Фаренхајт 9/11“ ќе бидам жигосан како „македонски антиамериканист“?
Дали тогаш оние што му доделија Оскар на Мајкл Мур се „американски антиамериканисти“?
Еве уште два аргументативни бисера од истиот текст:
„Мене како Македонец воопшто не ми е грижа за Ирак, иако сметам дека историјата треба да покаже дали на војната во Ирак ќе се гледа благонаклоно или негативно.“ (...)
„Она што мене ме интересира е нашите војници да добијат борбено искуство и да научат да се борат за да не ни се случуваат катастрофи како Карпалак...“
Човекот искрено и јавно си кажува дека воопшто не му е грижа за Ирак; го боли гајле за стотиците илјади жртви; за тоа што на еден убиен Американец во Ирак гинат по неколку стотини Ирачани.
Го боли гајле за мирот и стабилноста на Ирак; клучно во мисијата „Слобода на Ирак“ било „нашите војници да добијат борбено искуство“.
Ако нешто ви засмрде на канализација, тоа е затоа што го допревте дното на македонското новинарство.
3 коментари:
ti mora da si makedonski antimakedonist, posto mnogu go kritikuvas Gruevski.
a kolku amerikanci bi sakal ti da umrat na 100 iracani, za da bide poferski? iracanite vo irak veke odamna ne gi ubivaat amerikancite. tie se kolat megju sebe, kako srbite, hrvatite i bosancite, a amerikancite vo najlos slucaj se vinovni sto ne mozat da stavat vojnik pred sekoja kuca. amerikancite masovno ubivaa iracani na pocetokot, prvite nekolku nedeli po invazijata (zatoa i go vikaat invazija). ottogas amerikancite iracanite gi tepaat incidentno, ako ne zastanat na crveno pred niven punkt i sl. rezil e sto site drugi zemji so un na celo, koi kao im e gajle za irak, ne prakaat vojska da pomognat vo zaveduvanje red i mir protiv jihadistite
два анонимни коментара. мошне симптоматично.
Објави коментар