Имаме ли морално право да се жалиме на понижувачки однос од страна на странските амбасади, ако истовремено го трпиме понижувачкиот однос од страна на нашата држава? (Како се вади пасош?)
Како воопшто човек да се бори против садистичката администрација, кога мнозинството од послушните граѓани се мазохисти?
„Авантурата почнува со чекање да се добие „бројче“ за ред. Вистинска среќа ги облева лицата на граѓаните што успеваат да добијат свој број. Небаре добиле седумка на лото.“
Кога понижувачкиот мазохизам јавно се доживува како „авантура“, лесно е проблемот да се пренасочи кон граѓаните:
„Во МВР, спротивно на видливите турканици, велат дека вадењето пасош тече во најдобар ред и без проблеми.- Граѓаните треба да бидат пострпливи.“ (регулаторната гилотина избега од пасошко)
Прекрасно изведено. Не бил проблемот ниту во лошата организација ниту во садизмот на МВР-администрацијата, туку во „нетрпеливите“ граѓани – мазохисти.
Секоја чест.
Пред 3 години
5 коментари:
мало дополнување на постот, на следнава врска моето искуство со вадење пасош... пред само пар денови... http://chote.blog.com.mk/node/91686
„Иако има уште 200 луѓе пред него, и најверојатно неговиот ред ќе дојде за 4-5 часа, човекот блиску до мене и понатаму црвсто си го држи местото блиску до влезот.“
Што си е сигурно, сигурно си е :)
Керками откако два дена чекаше во “нормална процедура“ ... си доплати уште 3000 денари ... отприлика незнам точно и како “вип“ персона за два дена го доби новиот пасош ...
До парите е ... Кој ги нема ке плати помалку и ке паѓа во несвест ... Кој ги има ке биде “вип“ ...
„До парите е ... Кој ги нема ке плати помалку и ке паѓа во несвест“ :)
Така испаѓа.
И ќерка ми мораше да извади пасош - и немаше друго чаре - доплата.
Си праат бизнис на народни маки.
Ефикасно судство, ефикасна ДРЖАВНА АДМИНИСТРАЦИЈА?!?! Бла бла бла.
Поими што за жал се уште ги среќаваме само во енциклопедиите и во документите за наша Евро-интеграција.
Уште 1000 години нема да се промени оваа тажна слика што ја опишавте со примерите.
“Си праат бизнис на народни маки.“
И те како. Баш вчера се влечкав со другар ми по пошти и банки, да уплати 300 и кусур денари и со таа уплатница да може да добие КОПИЈА ЗАПИСНИК од сообраќајна незгода. Што кој знае кога ќе ја подигне/или ќе му ја достава.
Што би рекол некој, ем ТЕПАН ем Е*АН.
Објави коментар