Ги боли ДИК за жените

6/22/2006

Еве што предупредува ХАСАН ЈАШАРИ, професор на Универзитетот на ЈИЕ во Тетово, во колумната Механизмот на желбите:
"Чувството дека во минатото нерегуларноста претставувала шанса да се извлече корист, виси над нашата политичка филозофија. Нерегуларноста на изборниот процес, за жал, има своја традиција кај нас и не може тукатака да се елиминира.“
Навистина, можеме ли да очекуваме дека изборните нерегуларности сами ќе си исчезнат ако не сме направиле ништо за да ги превенираме?
Понатаму, Јашари се фокусира на една од најранливите теми во врска со можните изборни нерегуларности:
„...кај албанската популација, посебно во руралните средини, каде што околу 80 отсто од женската популација има само основно образование, чинот на гласање на список кој содржи 15-20 листи претставува речиси нерешливо испитно прашање. И добронамерната помош на член на семејството, пак, според европските стандарди на либералната политичка демократија претставува повреда на тајноста на изборниот процес и повреда на повеќе индивидуални права на човекот."
Не може да има слободни и фер избори ако во некои средини жените не се во состојба слободно да го остварат своето право на глас.
На Владата и е познато дека не може да добие преодна оценка за фер и демократски избори ако не ја победи традицијата на „групно“ и „семејно“ гласање, и гласање со партиски „помошници“.
Но, дали досега ДИК има преземено некакви мерки за превенција на ваквиот тип изборни нерегуларности, како и за подигање на свеста кај жените во оние изборни единици каде што имало најмногу „групно“ и „семејно“ гласање?
По се изгледа, ги боли ДИК за правото на глас на жените. Кутрите партизирани членови на ДИК се преокупирани со тоа колку сантиметри да биде гласачкото ливче. Мора некаде да чуле дека големината е сепак битна.

4 коментари:

Анонимен рече...

што очекуваш кога албанските челници јавно изјавуваат дека не треба погрешно да се толкува старата демек свечена семејна традиција на одење на гласање во албанските заедници, која неминовно подразбира и групно гласање, во што нема ништо страшно, бидејќи какво е тоа семејство во кое неговите членови (а особено главата на семејството визави сите други), имаат различни политички погледи?

Парафразирам, но оваа беше логиката на Али Ахмети во една тв емисија, мислам зебра не знам сигурно.

И о, да, големината Е битна! :)

Unknown рече...

Не сум чул ни прочитал во последно време некој новинар отворено да им поставил прашање на политичарите на оваа тема. Ако најдете некој релевантен цитат, кажувајте.
„...какво е тоа семејство во кое неговите членови (а особено главата на семејството визави сите други), имаат различни политички погледи?“
ДИК дефинитивно треба да работи на разбивање на патријархалните родови стереотипи.

Анонимен рече...

А зошто па нашите норми да се правилни а нивните не?
Што ако тие сакаат да гласаат семејно, и мажите и жените?
Не е ли можно некој да се чувствува загрозен затоа што мора да се „европеизира“? Како „европеизмот“ да е подобар од „балканизмот“
Што ќе беше тие да беа побројни и финансиски помоќни (мислам во европски рамки) и да викаа: ДИК дефинитивно треба да работи на разбивање на стереотипите што го разнебитуваат традиционалното семејство? И да не тераат сите да гласаме семејно.
Зошто да не биде врвно демократско достигнување слбодни избори, при што ќе биде дозволено и слободно да се бира дали ќе се гласа индивидуално или семејно?

Unknown рече...

„Зошто да не биде врвно демократско достигнување слободни избори, при што ќе биде дозволено и слободно да се бира дали ќе се гласа индивидуално или семејно?“
Затоа што правото да избираш и да бидеш биран е индивидуално човеково право.

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week