Бламажа

9/04/2006

„Информатика ќе предаваат кадри кои ќе се дообразуват со еднодневен курс“, изјави Методија Јанчески претседател на здружение на информатичари (А1).
Министерството за образование се одлучило на ваков чекор „затоа што 600 наставници по техничко образование ќе останеле без работа, ако информатичарите предавале информатика и техничко образование“ (Информатика ќе предаваат наставници по ОТП).
А тоа што десетици илјади деца ќе останат елементарно неписмени?
Се прашувам, дали некогаш ќе се промени менталитетот на оние кои ја креираат и спроведуваат образовната политика?
До кога ќе мора да ги праќаме учениците на училиште за да можат наставниците да земаат плата - без оглед на тоа дали ќе им пружат соодветно образование?
Вака ли бе ќе правиме „преродба“ во 100 чекори?
И што да очекуваме утре: преквалификација на наставниците по „одбрана и заштита“ во предавачи на човекови права?

13 коментари:

Анонимен рече...

Миселв да пишам кај мене ама кога веќе е напишано овде да не биде дупло.
Ова со професорите/наставниците по информатика е само продолжение на праксата која постои во нашите школи неколку години наназад. Жално е но вистинито дека одредени предмети во основно и средно станаа еден вид “социјални вентили“ или средства за “крпење дупки“. Што се случува? Сите наставници кои остануваат без часови поради исфрлање на нивните предмети(ОНО, ОТП, ПТО итн)а се блиски до директорот ги превземаат часовите по новите предмети иако се нестручни. Така во основните школи предметот Урбана култура го предаваат наставнички по: Географија, ОТП, Биологија, Психологот на школото, стариот домаќин кои имал вишо итн итн.
Хигиена во средно школо предаваат освен биолозите и сите други на кои им фали некој час.
Граѓанско образование предаваат сите само не оние кои по систематизација направена од МОН(Мин. за образование и наука) треба да предават, а тоа се луѓе со завршен Филозофски/Историја,Социологија.
Случкава со Информатика е само уште една епизода, ама овој пат Сојузот на информатичари реагираше па се слушна за тоа.

Ова е одлука на владата “Напред а не назад“. Сегашнава со 100 чекори да се надеваме дека ќе го оправи овој измислен проблем во нашите училишта.

Анонимен рече...

Да има „муда“ Груевски да ги разреши сите наставници од нивните „функции“ туто комплето, па да создаде непартиска, стручна комисија која ќе врши „именување“ на секој поединечно согласно неговата стручна спрема...
Е, тоа би бил вистински чекор напред.

Фројд. рече...

Жално и изопачено бљак-образование имаме...

Анонимен рече...

Тажно, навистина тажно.

Нема потреба да се фаќаме за програмите бидејќи тие и онака се важни само до изборите, потоа рокот на употреба им истекува.

Ама еве ај тркнете на сајтот на вмро-дпмне кликнете ја програмата (пдф) и погледнете колку убаво ја имаат обработено точката под број 11.

Тажно, немам коментар.

Анонимен рече...

бламажа е и преблаг збор..
имаше честења интернети по народот, сеа нека не почестат со шпер-плочи, ножички и друг ото прибор..

жива брука е ова!

GoodBytes рече...

Ова е една од најглупавите одлуки во образованието. Наместо да се засили изучувањето на ИТ со повеќе часови и со сериозна стратегија која ќе вклучува што повеќе области од технологијата кај што повеќе струки во училиштата, ние ќе решаваме финансиски проблеми на (сега веќе) неквалификувани професори?

Ај, ќерата! Ова мора да е масло на Положани, тој изгледа сака да ја заврши министерската кариера со најблесавиот потег од низата идиотски кои ги повлекол низ годиниве.

Shepard рече...

мене ОТП ми предаваше на мери младеновска стариот (у време првиот мандат на ВМРО). се јачаше цело време „ние ко ќе доеме власт“. после тоа беше директор на корчагин.

ова офтопик.

иначе типот не знаеше што е компјутер.

тешко и горко..

Анонимен рече...

Информатиката како предмет во нашево образование е проколната откако е воведена. Колку што ме држи сеќавањето бев прва генерација која имаше информатика по смртта на насоченото образование.
Седевме на еден компјутер двајца-тројца. Тоа беа почетоците. Кога се вратив повторно во школо, после 13 години, овојпат од другата страна на катедрата се шокирав. По 4 деца седеа на компјутер. Резил.
Донација од Јапонија, од Франција, од Тајван, од Кина од каде не. Цели магацини полни со компјутери а кабинети за информатика по еден два. Катастрофа невидена.
Најжалното е што пола донирани компјутери стојат по канцеларии(педагог, секретарка, директор, психолог) со миљенце на мониторот или покриени со крпче.
И затоа одлуката ОТО/ПТО наставници да предаваат информатика не треба да не изненадува.
Да се надеваме дека децата барем ќе научат како се расклопува/склопува куќиште на ПЦ.
:(

Анонимен рече...

катастрофа.

меѓутоа - ако ги имаме пред вид состојбата и условите во училиштата - коишто (како што веќе пиша) се под европските стандарди за затвори, тогаш изненадување е што воопшто се спомнуваат -- да имаат не ми се верува -- компујутери на такви места.

Анонимен рече...

ама важно на microsoft ќе му плаќаме милионски суми.

Unknown рече...

Јаков е сосем во право.
Има цели кабинети полни со компјутери кои се под клуч „за да не ги расипат децата“.
Имам слушанo и за магацини со донирани компјутери кои никој не ги отвора (веројатно за да останат „нови“).
Ме потсетивте малку и на моите компјутерски почетоци.
Кога се запишав во „Корчагин“ - информатичка насока (1985) - основи по информатика ни предаваше поранешниот професор по ОТО - кој цело време читаше зборче по зборче од некоја скрипта, и кој одвреме-навреме ќе запрашаше од типот „Знае ли некој да објасни што е „бафер“?“
Можно ли е кај нас ништо да не се променило последниве 20 години - цивилизациски препознатливи токму по информатичката револуција?

Анонимен рече...

“ За да не ги расипат децата“ и омилената изјава: “Компјутерите се нови“. Наспроти ваквите сваќања на педагозите, директорите и другиот “менаџмент“ во школиве, стојат тинејџери кои порограмираат, хакираат, сурфаат и што се не. Деца кои дома имаат АДСЛ, WADSL и незнам што. И некој ситен бирократ без осет им ги брани компјутерите на овие и на оние кои немаат можност да купат дома компјутер. Наместо и едните и другите (деца) да ги споиме и да низ заедничка работа го дистрибуираат знаењето ние се плашиме за компјутерите. Кога во една прилика на еден од “задолжените“ за школските компјутери им објаснив дека после три години кинеската донација ќе биде застарена, а windows-от во нив ќе биде сменет неколку пати, не испогледа како да зборувам на латински се насмеа и гласно размислуваше “Што ако некое дете го расипе windows-от“.
И после професорите по ОТП се “криви“. Тие и ќе испаднат поарни од тие кои ги ставиле на тие места. :(

Unknown рече...

Изјава на новиот министер, онјавена во „Време“:
„На реакцијата на Здружението на информатичарите да се прекине предметот информатика за основците затоа што треба да го предаваат наставници по ОТП, Рушити вели:
- Тоа беше одлука на поранешната Влада. Наша цел е информатиката да се воведе во пониските одделенија и со тоа да се отворат нови работни места за информатичарите. Сепак, додека не се донесе нова одлука, старата мора да важи.“

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week