Во глава 5 од учебникот по биологија за I година реформирано гимназиско образование (Емоционално и физичко здравје) средношколците учат и за болестите на зависност:
„Што е наркоман?
Наркоман е лице зависно од дрога, а наркоманија е состојба на периодично или хронично труење со некоја дрога.“ (стр. 216)
За жал, средношколците не ги учат што е дискриминација кон лицата со здравствени проблеми, туку хронично ги „трујат“ со омаловажувачки изрази и презир кон зависниците од дрога.
Наспроти ваквата дискриминаторска едукација за дроги, УНЕСКО сугерира да не се маргинализираат и стигматизираат учениците кои употребуваат дрога. Според нивните експерти, откривањето на употреба на дрога единствено заради казнен ефект не е продуктивна стратегија, затоа што ги изолира „наркоманите“ (наш „превод“) од „единственото место каде што индивидуите и активностите можат да ги поддржат нивните напори за промена.“
Покрај дискриминаторските тенденции, учебникот испраќа и мошне сомнителни пораки. Еве како се објаснети принципите на превенција: „контролирана употреба на алкохол, тутун и дрога“ (стр. 211)?!? И што ќе биде главниот слоган на успешната превенција - употребувајте алкохол, тутун и дрога, ама со усул, контролирано? (Кога најпосле ќе сфатат нашите „едукатори“ дека под дрога се подразбира и тутун и алкохол - согласно Guiding Principles for School-based Drug Education)?
Меѓу другото, учејќи биологија децата ќе научат и дека „Славните морепловци: Васко де Гама, Марко Поло, Кристофер Колумбо и др., враќајќи се од прекуокеанските патувања, ја збогатиле Европа со некои видови дрога.“
Која е сублиминалната порака? - „Ако можеле Васко де Гама, Марко Поло, Кристофер Колумбо и другите славни луѓе да користат дрога, зошто не и јас?“
И ако тие ја „збогатиле“ Европа со некои видови дрога, зарем со тоа не се сугерира дека дрогата е богатство?
Пред 3 години
3 коментари:
Еј баш ми се погоди темава, дека баш сеа читам една „наркоманска“ книга, имав и пост за песни кои се за дрога и некако ми е топик оф д уик :)
Така сурфајќи налетав на еден сајт за адолесценти кој збори за кокаинот и се изнервирав исто ко ти со учебникот.
Тука кокаинот го опишуваат како плашило за мали деца.
Јас кога бев адолесцент ме интересираше и многу читав за дроги, така што сигурно би ме изнервирало некој да ми објаснува како на мало дете и при тоа да ми дава искривена слика. Ваквите „специјализирани“ текстови само можат уште повеќе да наведат некој антиавторитативно антиестаблишмент расположен тинејџер да земе нешто, што и да е. Дури и за инат, ако не за задоволување на танатосот во себе.
Исто и ова што збориш. Иста прича. Јас знам во основно, на почеток на пубертет, си правев свој некролог. Да ми кажел некој вакви причици сигурно ќе ми отворел нова врата на перцепцијата :)
Интересно, THE DOORS OF PERCEPTION by Aldous Huxley, е прва книга во The Psychedelic Library (http://www.druglibrary.org/schaffer/lsd/lsdmenu.htm).
Уште поинтересно, Министерството за култура е главниот спонзор на новиот Филм на Ацо Станковски (како и претходно, на неговата книга „Дрогераш“) - во кој експлицитно се промовира употребата на дрога како клуч за отворање на „вратите на перцепцијата“.
Јас мислав дека се сфати дека алудирам баш на тие врати од хаксли али не е важно, важно се разбравме. Инаку како што реков, во средно ме интересираа тие работи читав, а знам и дека на DOORS името им доаѓа токму од таа книга. А исто колку што знам Хаксли бил другарче со Лири и Хофман, така да се си доаѓа на свое место.
Објави коментар