Бил ли Ченто некогаш комунист?

5/30/2007

Во коментарот на мојот пост „Водици во Скопје“, во кој поентирав со прашањето „Кој тоа не лажеше дека комунистите биле неверници?“, еден анонимен коментатор ми укажа „Ченто не бил комунист“.

Тогаш малку гуглав, па наидов на еден текст од Илија А. Ченто, во кој реагира на поднасловот „Без разлика колку го сакал или мразел комунистичкиот режим, секој Македонец треба да знае дека македонската држава ја создале комунисти“. Синот на Ченто смета дека „Насловот на тој напис е голема навреда за личноста и делото на Методија Андонов-Ченто“ и укажува: „Догмата дека македонската држава ја создадоа само комунистите е и причина и повод некои отстрана и некои сожители да тврдат дека македонски народ не постои и дека е вештачка творба на југословенските комунисти.“

Ваквиот пристап тогаш ми го зацврсти впечатокот дека Ченто не бил комунист.

И во зборникот „Ченто“ на Архивот на Македонија се тврди истото:

„Методија Андонов – Ченто никогаш не припаѓал на комунистичката опција, иако секогаш ги симпатизирал и ги помагал напредните и револуционерни идеи во борбата за самостојна и независна Македонија. Но, токму од новата државна власт и од органите на партијата, тој ќе доживее најголем удар и ќе се најде во немилост само заради тоа што ги штитеше македонските национални интереси.“ (стр. 9).

Меѓутоа, пред некое време наидов на книгата од Крсте Црвенковски и Славко Милосавлески „Нашиот поглед за времето на Колишевски“ во која се тврди дека Ченто како член на Главниот штаб на НОВ и ПОМ сепак бил примен во КПМ!

Оценката на овие комунисти е дека „неговиот приод кон низа практични прашања се покажува повеќе како либерално-граѓански отколку како ортодоксно-комунистички...“ (стр. 76).

Кому да веруваме сега?

6 коментари:

Стойчо рече...

Жарко, този ти постинг обяснява всичко :-)

Unknown рече...

Е, не објаснува се Стојчо, сега ќе следи уште еден дополнителен пост :)

Стойчо рече...

Жарко, само така - търси сам истината и някой ден ще стигнеш до нея - важното е да не робуваш на чужди мнения.
(но за мен с този си постинг наистина си казал всичко, но още не го разбираш точно)

Поздрави!

Unknown рече...

Фала ти Стојчо, иако сум скептичен во однос на очекувањата од картезијанските проекти „во потрага по вистината“.

Комитата рече...

Хехехехе -- теолог ли стана бе, Жарко. Щом не са картезианец, значи си мистик/схоластик нали ;-)

Unknown рече...

„Щом не са картезианец, значи си мистик/схоластик нали ;-)“
Комита, во философијата има многу опции.
Ама, да не го тупам, како што не верувам во тоа дека „Има само една Македонија“, не верувам ни во тоа дека „Има само една вистина“.
Ако воопшто има некаква „вистина“ :)

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week