Пријатно ме изненади несексистичкиот говор во првите броеви на „Нова Македониа“ од 1945 („секој грагјанин и грагјанка“, „доброволци и доброволки“...) како и третирањето на „Жената во изборите“ и „8 март - денот на жената“ како ударни теми.
Во претставувањето, фокусот е прво врз „Македонската мајка“ (на паднати борци), потоа на жената како „борец со пушка и бомба во рака“, на крај на жената ударничка („Во Велес Руса Маджарова плете за нашата војска по 14 пуловери на ден...“).
Еве и два ситни детали, кои сведочат за првите „слободни и тајни избори во Македониа“ во кои жените за прв пат добиваат избирачки права:
1) „Една млада жена води под рака една старица, „мајка е слепа па ја донесов да гласа“ вели кјерката и започна да чита на мајка си имињата на кандидатите на листата. 80 години слепа старица слуша внимателно. Од време на време ја прекинуе кјерката си во читанјето: „Подчртни го Пане, тој е честен чоек, ај сега и Милева, таја има многу напраено за I реон.“
2) Една група од 4 були земат од масата листата. Најстарата мегју нив, 80 годишната Фатима, ја зема листата со растреперена рака: „Што доживеф, никогаш не сум помислила оти и ние турчинките ке имаме некое право па еве доживев и јас да гласам слободно“. Кај Бит-пазар, во една джамија, гласат само жени турчинки.“
(Скопјаните гласаат, Нова Македонија, 3 април, 1945, стр. 4)
На фотографијата - првата жена „булдожерка“.
(oд албумот, „Жените од Македонија во изградба на социјализмот“)
0 коментари:
Објави коментар