Резилијада

5/05/2006

Продолжуваме да се резилиме за случајот Ел-Масри.
Што вели А1 во
Власта е свесна дека мора да соработува за Ел Масри:
"Според претседавачот на истражниот тим, и покрај добрата координација, европарламентарците забележале неколку контрадикторности кои мораат да се расчистат.
За неа е спорно тврдењето на Министерот за внатрешни дека при влез и излез од земјава се добива печат на пасошот.
„Тоа не е точно, затоа што јас на излегување од земјата не добив печат. Печат ми беше ставен само кога влегував во земјата, но нема доказ дека сум ја напуштила Македонија“, изјави Силвија Ивон Кауфман, член на Европскиот парламент."
За жал, европарламентарците имаат впечаток дека нашите државни службеници не стојат
„покрај малите екрани“ само на 31 јануари. И што сега? За еден пропуштен печат нема да влеземе во ЕУ?
Што ќе се случи со службеникот што не удрил печат? Ќе биде отпуштен или Министерот за внатрешни ќе си даде оставка затоа што погрешно тврдел дека печат на пасошот се добива и при излез на земјата?
Еве што вели Канал 5 во
Еврокомитетот го извести Стразбур за незадоволството од посетата на РМ за случајот Ел Масри:
„...македонските власти не ги аргументирале клучните елементи во официјалната приказна – дека Ел Масри самиот платил за 23 дневниот престој во „Скопски мерак“ и дека од Македонија заминал за Косово преку Блаце.“
Ич не ми е јасно! Ако Ел-Масри заминал за Косово преку Блаце тогаш ќе има печат на пасошот и приказната на МВР ќе се потврди. Му го проверил ли некој пасошот на Ел-Масри?
И А1 известува дека МВР не ја поткрепило со докази приказната дека Ел-Масри заминал на Косово преку Блаце -
Европарламентарците заминаа од Македонија без докази за Масри:
„И на крај МВР не им ја покажало книгата со која се докажува дека Масри заминал на Косово преку Блаце.
„Никој до сега не ни ја покажал книгата“, вели Фава.
Чудно им е и што ниедна македонска институција, народниот правобранител, собраниските комисии и јавното обвинителство, воопшто не биле заинтересирани и не ги истражувале сериозните обвинувања на Масри дека е киднапиран.“
Европарламентаците се чудат како можеле да затаат институционалните столбови во нашиот систем за заштита на човекови права.
Постои еден едноставен одговор. Според нашиот
Устав само на граѓаните им се гарантира заштита на правата:
1. „Секој граѓанин може да се повика на заштита на слободите и правата утврдени со Уставот пред судовите и пред
Уставниот суд...“
2. „
Народниот правобранител ги штити уставните и законските права на граѓаните...“.
3. И
Постојана анкетна комисија за заштита на слободите и правата на граѓанинот соработува само „со соодветни странски и меѓународни тела од областа на заштитата на слободите и правата на граѓанинот и други прашања што се однесуваат на заштитата на слободите и правата на граѓанинот.“
Ел-Масри не е граѓанин на Република Македонија, и затоа погореспоменатите институции не се почувствувале повикани да ги истражат неговите сериозни обвинувања дека бил киднапиран.

Што е нашиот резил?
Ако не си граѓанин на Република Македонија не можеш ни теоретски да си ги заштитиш сопствените човекови права.
А ако си граѓанин, можеш само теоретски.

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Footer Widget 2

Популарни објави

Популарни објави

Popular Posts this month

Popular Posts this week