Блоговите се неповредливи!

Еден од проблемите со кои се соочува нашето општество е и правната неукост на новинарите (за жал, и на блогерите). Еве како поентира еден новинар во својот провокативен прилог „Дали новинарите се прислушувани?“:
„Засега останува само уставниот амандман, прислушувањето, доколку го има, не е противуставно, ама не е ни законско.“
Што вели уставниот амандман XIX:
„...Само врз основа на одлука на суд, под услови и во постапка утврдена со закон, може да се отстапи од правото на неповредливост на писмата и другите облици на комуникација...“
Ако неопходен Уставен услов за отстапување од правото е „под услови и во постапка утврдена со закон“, тогаш во недостиг на таков закон прислушувањето е и противуставно!
Како што укажавме, без закон за следење на комуникациите, неуставно би било не само прислушкувањето, туку и повредувањето на блоговите како друг облик на комуникација.