Кино не-култура!

5/23/2006

На страницата на Државен завод за статистика е објавена информацијата дека „Во 2005 година во Република Македонија активно работеле 21 кино“, што е за 2 кина повеќе од 2004 год., и за 2 кина помалку од 2003 год.
Интересен е и податокот дека во 2004 год. 10 кина биле во состав на домовите на културата, а во 2005 год. дури 15 кина.
На страницата на
Хрватскиот завод за статистика можат да се најдат информации дека во Хрватска во 2002 год. имало 146 кина, во 2003 год. имало 142 кина, а во 2004 год. 131 кино.
Хрватска има околу 2,2 пати повеќе жители од Македонија, а помеѓу 6-7 пати повеќе кина од Македонија.
Едно време, кога живеев во Кисела Вода, бев редовен посетител на киното „Кисела Вода“ (Брус Ли таму го запознав), а паметам дека речиси секое маало имаше свое кино - „Драчево“, „Маџари“, прославениот „Напредок“ (озлогласено по геноцидните практики врз сперматозоиди), „Влае“, „Карпош“, итн.
Денеска испаѓа дека во Македонија има повеќе градови што немаат кино отколку што имаат. Може ли воопшто некое место да се нарекува град ако нема кино?
Баш ме интересира што мислите, која е главната причина за опаѓањето на киното како културен феномен на нашите простори?
1) Падот на социјализмот и „трулиот“ капитализам кој ги уништи домовите на културата
2) Фактот дека пиратските DVD чинат помалку од кино-билет
3) Новите технологии кои овозможија домашно кино со „сараунд“ и „даљинско“
4) Интернет, и e-Mule со „пеер-ту-пеер“ комунизмот
5) Тоа што филмовите сега многу побргу доаѓаат на телевизија (освен на МТВ)
6) Покварената администрација - за да добиеш лиценца за кино-прикажување кај нас треба да си го фатиш како врска г-нот Мито Корупциски
7) Одумирањето на „тапкароштвото“ како достоинствена професија
8) Компјутерските видео-игрици кои овозможуваат интерактивни „филмови“
9) Лошите режисери кои не знаат веќе да снимаат филмови по вкусот на нашата „сељачка“ публика
10) Зомбифицираната публика која претпочита шпански серии, сапунски опери и „ситком“ комедии
Или нешто сосема друго?
Како и да е, полека но сигурно чекориме накај мрачниот среден век или уште поодамна, кога наместо кино-спектакли имало егзекуции во живо - на вештерки, содомити, и по некој несреќен бунаџија набиен на кол или распнат на крст.

4 коментари:

Жаре,
Одговорот ти е сублимат на сите понудени одговори. Тоа ти е, во Македонија владее културолошка (или културна, нека пресудат колегите лингвисти) чума; е сеа, овој вирус е најверојатно некој субвид на некој друг, пострашен вирус (мојата анамнеза е дека имаме антракс на идентитетот).
Поздрав

GoodBytes рече...

Постирав нешто кај мене, инспириран од темава.

11. Кината имаат послаба понуда.
12. Луѓето имаат сè помалку време.
13. Телевизијата и филмот (ќе) се преселат на Интернет.
14. Мене лично ме нервира кога одам на кино и гледам 15 минути реклами за други филмови или од спонзори.
15. Има луѓе кои не претпочитаат да гледаат филм на кино (не им е убаво), а и луѓе кои не се интересираат за филмови.

Луѓето сакаат спектакли, а киното може да овозможи задоволување на некои мас-психолошки потреби - се разбира, доколку не го изгуби чекорот со технологијата.

Анонимен рече...

That's a great story. Waiting for more. running with karma

Мојот список со блогови

>> <<

Text

Archive

Recent Post

Архива на блогот

Footer Widget 1

Footer Widget 3

Blogger Tricks

Blogger Themes

Catwidget4

Букефалистички парадокси: Филип („љубител на коњи“) стана воин без коњ.

Comments

topads

Loading...

Footer Widget 2

Популарни објави

Популарни објави

Popular Posts this month

Popular Posts this week