Во постот Комунистичката реакција реагирав (од името на МКЦ) на чинот на предизвикување нетолеранција и поттикнување дискриминација кон хомосексуалците од страна на МПЦ.
Еве што вика „Вест“ на таа тема: „МПЦ против хомосексуалните бракови: На вчерашната седница Синодот расправал и за хомосексуалците и истополовите бракови. Било заклучено дека браковите меѓу истополови партнери се неприродни, неморални, нецрковни, недозволиви и претставуваат зло и грев. Поради тоа МПЦ ги забранува ваквите бракови и не прифаќа никаква можност за нивно озаконување.“
Значи, МПЦ продолжува да предизвикува омраза и нетрпеливост со тоа што покажува со прст кон хомосексуалците кои се во брак, нарекувајќи го таквиот брак „зло“ и „грев“.
Со тоа што ги нарекува браковите меѓу истополови партнери „неприродни, неморални, нецрковни, недозволиви“ МПЦ повторно ги поттикнува негативните стереотипи и предрасуди кон хомосексуалците и отворено шири хомофобија.
Од каде и е на МПЦ правото да забранува било што во една секуларна држава?
Што ќе биде следно прогласено за „зло“ и „грев“, осудено и забрането од МПЦ: Браковите кои не се склучени во црква? Брачните партнери кои не сакаат да имаат деца? Семејните заедници што не сакаат да склучат било каков брак? Разведените партнери? Вонбрачните деца?...
Што треба за синодот на МПЦ да биде „задоволен“: Да престанеме да одиме на кино, да не гледаме телевизија, да се откажеме од слушање радио и сурфање по ѓаволската мрежа каде што демнат многу зла и искушенија?
Пред 3 години
1 коментари:
Беспослен поп јариче крсти.
Одлично си ги прокужил поповите, само треба да се додаде нешто многу битно. А тоа е нивното лицемерие, бидејќи не ги чистат своите редови од gey брќа и слични неморални односи, туку покажуваат со прст на општеството кое не е нивна надлежност,а работите од нивната надлежност немаат ниту намера да ги вршат. Демек, многу се загрижени... тикви варени.
Објави коментар